La Usc di Ladins

L é peà via con gaissa l uton de la sociazion Kino che da pec meisc à tout te man la gestion del Chino Teater Marmolèda de Cianacei. La programazion per otober e november tol ite — descheche ne à contà l president Lorenzo Dezulian — film a tema, rassegnes cinematografiches e teatrales e no demò. »Sion peé via con la proiezion de Grand Budapest Hotel de Wes Anderson, n film che jia con sorts de film desvalives, ambientà sa mont e con momenc più lijieres e momenc più fogn. L spieia chel che volon fèr con Kino: portèr dant na programazion più de devertiment ma ence reflescions più fones«.
Belimpont chest vender ai 17 de otober da mesa les nef da sera l é en program l film »La voce di Hind Rajab« olache la protagonista l é na beza de la Palestina che porta na testimonianza del conflit. Più inant vegnarà portà dant de etres film che vel portèr dant na reflescion su temes de atualità, anter chisc ence la costion de la bomba atomica.

Se pel lejer dut su La Usc nr 40 dai 17 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (NICO)