La Usc di Ladins

L é stat na sajon da d’istà belebon piena de empegn per i volontères de la Crousc Checena de Fascia e Fiem. I numeres che ne à fat aer l president Francesco Sommavilla rejona de: 700 urgenze anter Vich, Moena e Ciavaleis, più o manco 50 a Ciavaleis e l rest spartì anter Moena e Vich, »se pol conscidrar più che n 60% su Vich ajache chigiò aon doi ambulanze en urgenza« à dit Sommavilla. Apede l é 232 viajes programé con l’ambulanza de Moena e presciapech 300 viajes de autra sort per formazion, assistenza, servijes interni e privac. Dassen n gran numer de viajes che empegna ence n bon numer de volontères che se met a la leta per corir i desvalives servijes, tant de dì che de net.

Se pel lejer dut su La Usc nr 42 dai 31 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)