La Usc di Ladins

En martesc ai 21 de otober te la sala Simonin Maza de le scole de Moena l é stat chiamà ite la radunanza anuala de la sozietà sportiva Monti Pallidi de Moena. Te la relazion morala, l president Carlo Ganz à podù anunziar con sodesfazion che la sozietà, che l é la soula polisportiva de noscia val, la se à vadagnà l 5° post anter le più ative de dut l Trentin, conferman sie gran empegn desché pont de referiment per la crescimonia soziala, formativa e culturala di joegn de la comunanza. Per n muie de discipline la Monti l é l soul pont de referiment – à recordà Ganz – e per chest la tol ite ben 30 joegn da Soraga e na chindejina da Sèn Jan, ensema a Mazin, Ciampedel e Cianacei.

Se pel lejer dut su La Usc nr 42 dai 31 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Lucia Gross)