La Usc di Ladins

L é a la leta l nef calandèr de l’Euregio 2026. Retrac spetacolères dal Tirol, Sudtirol e Trentin, dediché a la natura, a la cultura e a l’architetura. 49 fotografies per chesta neva edizion che festeja ence n travert toron, 10 egn. Ai 25 de otober a Dispruch, a la prejentazion del nef calandèr, l é stat envià no demò i fotografs di retrac cernui chest an ma ence duc chi che à fat la fotografies de la soracuertes de la edizions passèdes ajache l é stat inaugurà na mostra che jirà a roda fora per i maores zentres de l’Euregio e la mosciarà duc i retrac che à fat la storia del calandèr e de noscia jent.

A Dispruch enstadì l é stat premià ence n fotograf fascian: Manuel Bernard de Jef da Pera. Sia foto de la Torns de Vaiolet, anter lumes e ombries, é stata cernuda da la juria del concors anter cheles venjidores e ades la fèsc bela parbuda su la piata del meis de messèl. Aon rejonà con el per n saer de più.   

Se pel lejer dut su La Usc nr 43 dai 7 de november, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)