La Usc di Ladins

Al ê da püch passé la mesanöt,  canche i volontars di stödafüch dl’Alta Badia é gnüs trac fora de let. Tla localité Pescosta a Corvara â pié füch n tët de n’abitaziun pié füch. L’alarm é gnü dé dai proprietars dla ciasa, che á sciafié da lascé l’abitaziun ciamó denanche i stüdafüch rovass adalerch. Sön le post n’él nia ma rové i Stödafüch da Corvara y Calfosch, mo ince chi di paisc vijins – La Ila, San Ciascian y Badia. Lapró á ince i Carabiniers da Corvara y i volontars dla Crusc Blancia Alta Badia pité sostëgn tl intervënt.

Le medefüch é pié ia da n ciamin surascialdé. Chësc á lascé lové la flama, che á tosc ciafé material assá por se trá inant sö cina tl’ultima alzada sot le tët, olache al é borjé fora gran pert de n apartamënt. Por destodé les flames ál orü ester l’intervënt dla litra stazionada a La Ila, le grup di respiradus n  sambëgn i gragn tancs dal’ega. Indöt á l’intervënt doré deplü ores, y é pormó jü a piz dales trëi da doman. A pert le dann material, che an é ciamó tl laur da sciazé, mo che tomará fora valgamia gran, n’él sté por fortüna degügn feris.


Liede deplü tla ediziun nöia de chësc vëndres, ai 7 de novëmber!