La Usc di Ladins

L à inom ‘Crudo di Moena’ e l vegn fat dut con lat cruf, al 100% natural, segur e cruf. L é l nef formai prejentà en jebia ai 6 de november te na conferenza stampa a la Cianeva Endrizzi de Sèn Micel dai produtores Michelangelo Croce e so malghier Peter Decrestina del cajelo Agritur El Mas e Andrea Carpano e so malghier Stefano Margoni del cajelo Carpanolat, duc doi da Moena.
»La scelta de far chest nef formai a lat cruf la vegn dal fat che ades l nef disciplinar obliga a far l Puzzone DOP con lat termisà, do che l é vegnù fora chi caji de persone che le é state mal per aer magnà chest formai – ne à contà Peter Decrestina. Noi no sion d’acort ajache termisar l lat no tol via l problem, l é manco risech ma no sarà mai la segureza. Coscita aon dit che renunzion a far l Puzzone, col cajelo de L Mas se aon tirà fora dal Consorzie del Trentin e aon svilupà ensema a Carpano n auter formai ajache volon seghitar a l far con lat cruf.«

Se pel lejer dut su La Usc nr 43 dai 7 de november, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)