La Usc di Ladins

»Basket Gherdëina« ie la scumencia­ diva, sce n uel belau lia sportiva, che ie nasciuda belau dan n ann te Gherdëina. L jëunn de Urtijëi, Damian Piazza, à nvià via chësc pruiet dantaldut pervia de n nteres persunel a chësc sport. »Son bëndebò grant y duc me dijova for, pu fé basket! Ma l ne fova mei l mesun. Mi nteres ie chersciù ti ani passei y pona éi scumencià a jughé. Da sëul no ne fòvel bel, ma cunesciove bën vel’ un o vel’ auter che fajova unitant. I mesuns de ciamps per jughé ne n’ons mefun nia drë’ te valeda. De trëi se ons pona metù adum y tres l aiut dla Nëus Jëuni Gherdëina ons pudù mëter a jì chësta scumenciadiva de basket. Tres la lia tët pudons se nuzé dla palestra de Santa Cristina, chëla lerch ie ideéla. On propi debujën dla lerch y son cuntënc dla avëi. Fajon chësc sport te na maniera liedia, ne n’on degun alenadëur; l ie plu n juech de grupa te na scuadra. Nëus de chësta scuadra son permò tl scumenciamënt. Ulon ruvé al pont che cun l passé dl tëmp pòssel nce unì leprò plu de jëuni«, nscila Piazza.


Dut l articul pudëis liejer tla edizion nueva de La Usc di Ladins che vën ora chësc vënderdi ai 7 de nuvëmber.


JL