La Usc di Ladins

L pont più emportant tel Consei General chiamà ite ai 13 de november en videoconferenza, apede a chel del Statut, l era l’aproazion del Pian de politica linguistica e culturèla per l an 2026, pervedù da la L.P. 6/2008 su la mendranzes linguistiches. A portèr dant i contegnui, ma ence l segnificat de chest Pian l é stat l conseier de procura con delega a la cultura ladina Bernardino Chiocchetti.

Chiocchetti l à deschiarì che chest Pian l met dant la strategia de azions per sostegnir e slarièr fora la doura del lengaz ladin e renforzèr l’identità culturèla e linguistica de Fascia. Azions che, à sotrissà Chiocchetti, les cogn asser pissèdes per più egn e a na vida coordenèda anter la desvaliva istituzions per poder aer na politica linguistica stabola e percacenta. L Conseier de procura l à dit che l se met dant de miorèr l confront e la colaborazion anter duc i enc e la istituzions che sostegn la cultura ladina, no demò te Fascia, organismes che laora delvers ma i podessa colaborèr a na vida più percacenta.

Se pel lejer dut su La Usc nr 45 dai 21 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Lucia Gross)