La Usc di Ladins

»Fin ades aon semper abù dubies, ades aon calche segureza en più, se trata demò de spetar amò n pöch«. L é le parole del president de la sozietà Funivia Moena Maurizio Sommavilla che en martesc ai 25 de november à chiamà ite la radunanza ordenara te sala Simonin Maza de le scole de Moena.
Te sia relazion chiara e tel detai l à portà dant i ultimes varesc fac tel acort e zenza gregn proclames per ruar al obietif: far su l impiant portamont Moena-Valbona.
»Ai 26 de november del 2024 aon prejentà noscia oferta al bando de gara travers l project financing con i sozi Leitner, Misconel e Sif Lusia – à spiegà l president Sommavilla. Da enlaoita l é passà beleche n an ajache la prozedura de verifica la é stata sospenuda 4 oite. Zacan ai 23 de setember l é ruà la conferma che aon venciù la gara ma aon amò da firmar l contrat con la Provinzia de Trent che, descheche disc la prozedura, aessa cognù vegnir sotscrit dant che passe 60 dis da la proclamazion del venjidor. Chesta scadenza enveze é stata amò sburlada, la cognerà vegnir fata aboncont dant dai 20 de jenè. Endana ge aon domanà che i ne die colugn documenc che assane cognù enjegnar per scurtar i tempes.«

Se pel lejer dut su La Usc nr 46 dai 28 de november, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Monica Cigolla)