La Usc di Ladins

L nef impiant portamont 3S de Ciampedel aur ai 19 de dezember. »Ne endespièsc n muie per l entardivament de doi setemènes – à spiegà Daniele Dezulian, president de la SITC, a la radunanza de l’ApT de Fascia – per ge fèr front al dejèje, a una con l’ApT, l é stat metù su n servije smaorà de skibus envers la Val de Sora e na linea de corieres en più ti fins de setemèna che va da Ciampedel a Cianacei. L nef 3S no l é n standard, l é n impiant dassen comples che à cognù se adatèr ence a na lingia de normatives semper en evoluzion dal pont de veduda tecnich. L é stat n cantier senester da gestir con n muie de problemes.  (Monica Cigolla)