La Usc di Ladins

Se à endodanef binà na fraca de jent fora l Palafiemme de Ciavaleis per l conzert encomai tradizional da d’uton di Pentagramma Winds, l ensemble che tol ite bandisć, students e maestres de musega de Fascia e Fiem. Instouta ampò l’ocajion la era zis più de valuta dalajà che l é stat festejà i diesc egn dal prum conzert da d’uton, n cedean toron che la formazion reta per solit dal maester Roberto Silvagni à zelebrà con n ghest straordenèr. Belimpont sun paladina se à ejibì ensema a ic l maester Marco Braito, anter i miores diesc trombetisć a livel internazionèl.
I Pentagramma Winds é nasciui acà chinesc egn, da na dosena de musizisć che aea sci l gust per la musega, ma i aea ence chela de uzèr l livel de dificoltà che fossa senester arjonjer con la museghes de nesc paijes. Na ocajion de crescimonia donca per i museganc che i se à jontà ite col temp, che man a man i pel se confrontèr con pèrts più endestres. La formazion ti egn passé à tout ite adertura n centené de partezipanc tel valif moment.

Se pel lejer dut su La Usc nr 47 dai 5 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.

 (Nicoletta Riz)