La Usc di Ladins

Zacan l é la data segura. L CTO, l Zenter Traumatologich Ortopedich de Sèn Jan verc en jebia ai 15 de jené. La l fèsc a saer ofizialmenter l'Azienda sanitèra universitèra integrèda del Trentin che à troà i infermieres che l é de besegn per lurèr coi dotores spezialisć, tecnics de radiologia e personal aministratif. L CTO de Sèn Jan sarà n pont de referiment emportant per duc i schiadores che se fèsc mèl coi schi ajache chiò i podarà vegnir porté tel cajo de infortunies mendres zenza cogner jir fin al ospedèl de Ciavaleis. L Zenter de Sèn Jan sarà avert duc i dis da les 10:00 a les 19:00, no l é de besegn de aer l'impegnativa del dotor, bèsta la tessera sanitèra. Chest zenter raprejentarà n presidie sanitarie emportant ence endèna la Olimpiades. Ai 15 de jené vegn avert ence l Zenter Traumatologich de Madonna de Campiglio con orarie 10:00/18:00.  (Monica Cigolla)