Le consëi dla CTAB á lité

Data

20 de jugn 2026

Galaria retrac

Grandeza scritura

Social

L’ultima edema é le consëi nü dla Cooperativa Turistica Alta Badia gnü cherdé ite por la pröma sentada. Al é gnü lité le presidënt, i vize nüs, y partí sö les inciaries desvalies

Ala fin de ma â i assoziá dla Cooperativa Turistica Alta Badia (CTAB) tla sentada da d’aisciöda lité le diretif nü. La serada s’â stlüt jö cun la nominaziun di 15 mëmbri rová te consëi. Le mercui dl’ultima edema, ai 10 de jügn, á le consëi tigní süa pröma sentada cun la lita dl presidënt, di dui vize y di mëmbri cun inciaries desvalies. Christian Pescollderungg é gnü reconfermé presidënt, tratan che a pié do l’inciaria da vize é stá i mëmbri Hanspeter Pitscheider, rapresentant por la categoria di restoranc y bars, y Daniel Frenes, rapresentant di artejans.

Ince la junta s’á formé danü – ara é metüda adöm dal pre sidënt, i dui vize, Eveline Complojer Irsara y Daniel Costa, trami en rapresentanza dla categoria di ostis.
Al é gnü chirí fora i rapresentanc dla CTAB che fajará pert dl diretif esecutif de Alta Badia Brand, chisc é Christian Pescollderungg, Natalie Mellauner, Daniel Frenes y Markus Valentini.

Deplü ciafëise da lí tla ediziun nöia de La Usc di Ladins de vëndres 19 de jügn!