La Usc di Ladins

Tel ultim an e mez l é stat n piorament te la calità de la regoeta desferenzièda de refudames. Enceben che la regoles sie chières e fates a saer dutintorn, amò no vegn fat la dreta spartijon e chest crea dificoltà a fèr azetèr i refudames e fèsc smaorèr i cosć de selezion e smaltiment che dapò va a pesèr su la tarifes. L vegn scrit bel e chièr te la letra che é ruèda o che ruarà chisc dis te duta la cèses de Fascia da man del ombolt de paisc, scrita en cordanza con l Comun General de Fascia.
»Sion rué a n pont che cognon tor provedimenc – ne disc Stojan Deville, responsabol del Servije Igiene urbana e ambientèla del CGF – i ne à refudà l vierech al impiant de regoeta e aon cognù mudar impiant con i cosć che se à smaorà de trop. L é dotrei egn che la regoeta desferenziada va en do, ajache ades l é mudà ence l cader legislatif che perveit sanzion più grane cognon reveder dut l sistem, soraldut chel de la regoeta del vierech olache troon int dededut. Apenamai che fenesc la sajon toleron demez le ciampane verde e le assegnaron a utenze spezifiche no de ciasa, ajache descheche l é ades l é na situazion che no podon più gestir.

Podede lejer dut su La Usc dai 6 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)