La Usc di Ladins

Per festejé l aniverser di 30 ani iel unì metù adum n prugram che spidlea la gran varietà dl repertoire mujichel de duc chisc ani, che va dal tëmp dl Renascimënt nchin ala mujiga cuntemporana. La direzion dl cor se à partì i cater dirighënc, che mëina l Ensemble Gherdëina cun savëi y pascion dal scumenciamënt incà: Claudio Kerschbaumer, Felicitas Schweizer, Samuel Runggaldier y Martin Runggaldier.

Mpue de storia
Metù su coche lia ie l Ensemble Gherdëina unì l ann 1996, ma belendant iel for inò unì metù a jì pruiec a livel de valeda, per ti dé a ciantarines y ciantarins l’ucajion de pudëi se dé ju cun leteratura mujichela – sacrala y profana – plu mpeniativa y de tëmps storics desvalives, jan de reviers nchin ala mujiga dl Renascimënt o dl tëmp baroch.

Per l Ensemble Gherdëina, Martina Rier

L articul va inant tla edizion nueva de La Usc di Ladins de duman vënderdi ai 6 de merz.