La Usc di Ladins

La sajon é fenida, ma l'esperienza resta tel cher di bec e joegn che à tout pèrt al compionat de hockey te la desvalive categories. Ai 22 de mèrz l'Under 14 Fascia/Fiem à serà su contra l JT Unterland a la Würth Arena de Egna sie campionat ruà a la seconda fasa del Master round. »N campionat con joegn de doi valèdes vejines, che al scomenz en pèrt no se cognoscea e che i à emparà a stèr ensema, a spartir ensema temp, viajes, deregoladoes, a se respetèr, se didèr un col auter, jièr un per l auter. Na sajon fata de grignoc e grignèdes, fai, ventes e batudes, e ence n resultat che à sie valor: serèr a mesa classifica del Master Round l é vèlch che conta.«
Chesta bela paroles che se lec su la piata facebook, col rengraziament de cher a coach e team leaders, les pel valer per duta la formazions di joegn del Fascia Falcons, a la fin de chest campionat che ge à dat de bela sodesfazions ence a la neva direzion.

Podede lejer dut su La Usc dai 27 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)