La Usc di Ladins

Del 2010, canche la sociazion Rencureme de Fascia e Fiem é nasciuda per scomenzadiva de dotrei persones de Moena che aea te cèsa persones con smendrament cognitif, chi leé a Alzheimer e demenza l era jà problemes cognosciui, ma la jent no pissèa che i aessa podù doventèr tant grieves e che aer zachei che deide a ge fèr front a chesta situazions fossa stat coscì prezious. 
La radunanza de la sociazion Rencureme, chiamèda ite te sala Rovisi a Moena en mèrtesc ai 28 de oril da la presidenta Annalisa Zorzi, se à avert con dac che destramet, che i vegn dal raport »Prevalence of Dementia in Europe 2025« da olache se veit che la Tèlia l é l Paisc col maor numer de caji en raport a la popolazion: 2,4%, che del 2050 podessa doventèr adertura l 4,2%; l é pervedù defat che per la metà de chest secol l numer de un milion e 430 mile persones con demenza de anchecondì cresce del 54%, ruan a 2 milions e 200 mile. E amò apede vegn sotrissà che a se malèr l é soraldut eles, ben doi terc, e chest fèsc l problem amò più pesoch ajache beleche semper l é apontin la eles che rencura.

Podede lejer dut su La Usc dai 8 de mé da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)