La Usc di Ladins

L sentide ence vo? N vent nef e joen e na energia neva! L é chela de La Risola. L Pian di Joegn del Comun General de Fascia, col sostegn di Comuns e de la Provinzia de Trent, à avert l nef bando per l an 2026 per tor su idees e viver ensema de neva aventures! L an passà i partezipanc ai desvalives projec é sgolé te la Puglia per na fradaa anter mendranzes linguistiches con Ecomuseo de Inout, i à lurà per na informazion più consapevola e amò con Boom i ge à spalancà a duc i ujes de la musega. Vegn tout su idees da dut l mond, bèsta demò che l projet vegne portà dant te Fascia. Donca se t’ès na idea, fate inant! Scrif a pianogiovani.larisola.fassa@gmail.com per domanèr l bando e i documents. Te ès temp enscin ai 17 de mé.