La Usc di Ladins

A la fin de mé va fora i comitac ASUC de Gries, Penìa e Poza. En sabeda ai 16 de mé l é stat chiamà ite la litazions de la doi Frazions de la Val de sora (cheles de Dèlba e Cianacei vegnarà fates d’uton): ta Penia i capifech podarà litèr ló da la scola veies, chi da Gries te cèsa de Comun de Cianacei. I capifech de Poza vegn chiamé a litèr envezeen domenia ai 17 de mé te sala de Consei de Comun de Sèn Jan. La sezions litèles sarà avertes per duc da les 8:00 a les 20:00. Pel tor pèrt a la litazions vigni capofech che stèsc te paisc da amancol 5 egn e valif vigni capofech pel vegnir lità te Comitat, olache va ite 5 comembres. Vigni capofech pel dèr ju fin a 5 preferenzes.

Su La Usc dai 8 de mé vegn prejentà l'atività e l bilanz de la Frazion de Penia, che dal 2021 é vidèda dal Comitat che tol ite Stefano Salvador, Simone Valeruz, Sabrina Daprai, Stefano Bernard Napoli e Paolo Verra.

Podede lejer dut su La Usc stampèda da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)