La Usc di Ladins

Na data che tröc se recordará, cis la jënt da Lungiarü, é zënzater chëra di 17 de jügn 2024. En chël de da doman él gnü jö na smöia che á mené cina te paisc danter 200 y 250 mile cubich de material, eghes y paltans, atocan no ma strotöres mo ince ciases. Zënz ater un de chi avenimënc eze zionai, podesson dí, mo conscidran che le tëmp fej tres plü gonot sües corëtes, n’á le Comun dedô nia orü sté a ciaré pro y s’á atira metü al laur por chirí soluziuns por sconé le paisc y süa jënt. Ai 26 de ma á le Consëi de Comun da San Martin tut na deliberaziun de mascima por jí inant cun na idea de proiet, laurada fora danter Comun y ofizi provinziai, che prevëiga da tó demez dui punc, sposté la strada de Comun y ince da realisé n rondel. 

I nen un baié cun l’ombolt Giorgio Costabiei y l’assessur Gustav Mischi. Deplü ciafëise t’La Usc di Ladins di 5 de jügn  (pablo)