La Usc di Ladins

»Noi aon semper abù tel ciau che fosse besogn de crear sistemes più forc, a na maniera che l funzionament de n setor no l cognesse depener da na persona demò. Con n sistem che tol int i Comugn e l Comun General se pol garantir na continuità de servijes maora confront a chela che aon ades, con ogne ente publich che laora da sol.«
L é da chesta idea del procurador Edoardo Felicetti e de sia aministrazion che l é nasciù la scomenzadiva prejentèda enstadì dal medemo Procurador ensema con l enjegner Felice Pellegrini, nef responsabol tecnich del Comun General de Fascia. Ades che zacan l ent soracomunal de val l é stat bon de stabilisèr l post de responsabol de l'Unità operativa tecnica, che da n bon trat l mencèa, l à podù fèr l prum vèrech.
»L é n projet sperimental de colaborazion anter Comun General e Comugn per aidar i enc a jir inant più en prescia, poder pontar via coi laores e dorar te na maniera percacenta le ressorse che se à a desposizion - deschiaresc l Procurador.

Podede lejer dut su La Usc stampèda dai 12 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)