La Usc di Ladins

Coche urmei bele tradizion da n valgun ani incà, à la Union di Ladins de Gherdëina nce chëst ann metù a jì na jita culturela, plu avisa tla Val Canal y a Kranjska Gora ai 6 y 7 de juni. La Val Canal ie tl nord-est dl Friul, al cunfin cun l’Austria y la Slovenia. Kranjska Gora ie n luech tla Slovenia.
Son furnei ora per Puster, sëura l Kreuzbergpass nchin a Sappada. Daldò inant de viers de Tolmezzo y da Pontebba ite per la Val Canal. Cun la furnadoia sons ruvei su sun l Monte Lussari. Chësc ie n luech de pelegrinaje scialdi cunesciù. N paster à abinà trëi iedesc ndolauter na statua dla Madona tla medema siena. N dij che la Madona de Lussari ie la regina dl Friul.
Da lassù pòssen se goder da stramp n bel udëi ora, danter l auter sun i crëps coche l Mangart y l Mon­tasio. Dan chësta bela paladina nes à l presidënt dla lia culturela »Ka­naltaler« Alfredo Sandrini spligà la cultura y storia de si valeda, tla­meda nce »Pitla Europa«, ajache la ie bele da seculi incà n raion de ancunteda y cunvivënza danter jënt taliana, tudëscia y slovena. La lia se tol da for bele a cuer la prumozion dla cultura y rujeneda tudëscia tla valeda.

Dut l articul n con' de chësc viac pudëis liejer tla edizion atuela de La Usc.