La Usc di Ladins

Trei codejie, un ciolà tel auter, sul tedant l é scrit »Memorie. Diario di guerra 1914-18«. L é l diarie de vera scrit ju da Tita de Megna, cognosciù aldidanché te Fascia mascima per aer binà su la usanzes de noza de »Sposc e maridoc«, anter i prumes libres per fascian a vegnir stampà, se no pa l prum.
Tita l scrif de canche crepa fora la vera ai 28 de messèl del 1914 con la declarazion del Imper austro-ungarich a la Serbia: el con sia familia l era sa mont a fèr fegn e i era bon sprigolé a vegnir ju de outa te paisc. L scrif de burta desgrazies sul front, de gran meseries padides e vedudes e che sie cher mai l desmentiarà. L diarie l rua fin canche fenesc la vera e Fascia passa sot la Tèlia, muda la moneida e la lege. Auter che pèsc, vegn adalèrch - l scrif - de etres momenc scures e ries, chi del nazism e fascism: »Se l om vindedant aessa l Segnoredie e sie amor, l amassa l auter sinzieramenter e fazile no fossa veres«.
L diarie che sie nevó Giordano l ne à dat adimprest l é na copia che Tita de Megna enstes à scrit ju i egn do da la Vera cauja che l original se stentèa a l lejer, l papier l era mocignà e roinà dal temp. Peon via con na curta biografia metuda adum con vèlch informazion dal archivie del Istitut e vèlch autra dal liber »Gries«.


Podede lejer dut su La Usc stampèda dai 21 de aost da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Nicoletta Riz)