La Usc di Ladins

L Triol dei Siori l à ciapa suo inom dal fato che l vegniva duorà ntel ‘800 dei »Siori«, per bona part foresti, che i passava su e ju per Giao nanter Col e Anpezo. L é chel che tanc cugnes coche triol 464 del CAI, lonch za. ot chilometri e ben segné, nanter la frazion de Pien a Col e Fedare sun Giao. Canche se và de sora in ju, peando via da Fedare, bel de sot se ciata n bel grop de tabiei a Pale, se và po navant su n toch cotant a riva fin a ruà ntel bosch. Da ilò, passada via Val Ciarnara, l triol l rua ju da Fistil Benedet. Passà via l ru Palata, a la prima cros de le strade se và a man zanca, semper in ju, per arjonje le cese de Lastei e de Frena a Posauz. Se rua japé, davijin a la strada provinzial 251, puoch davant de le cese de Pien. (Daniele Dell’Andrea »Guzel«)

De plu tla edizion stampeda de La Usc di Ladins o sun l e-paper a paiament www.lausc.it/e-paper