La Usc di Ladins

Canche ‘l é nasciù danoo ra Conpania de i Scizar Anpezo Hayden, Iji Malto ‘l é stà un de i prime a bete chera mon­dura, con el prin capitagno Ugo Constantini Ghea. Par chesto a ra so sepoltura ‘l ea i ome e ra femenes de ra conpagnia, co i so biei sar­vije, e anche outra conpa­gnies, vegnudes da fora, da Fodom, da Bruneck, da ra Pustertal, co ra so bandieres, betudes inze jeja, su ‘l altà. A ra fin de ra mesa, una Marketenderin r’à lieto śo ra orazion de i Scizar, scrita par anpezan, cemodo che propio Iji r’aea voltada.
Fausto Menardi Diornista, che ancuoi comanda ra Conpagnia, el me disc: »Ci elo stà Iji Malto? Un on da ra testa fina, el spirito pien de curiosità e tanta voia de stà aduna a ciacolà con ci che mai. Con chiste talente da ra soa, se el se betea a servizio de chi outre, inze un soda­lizio, no podea vegnì fora che algo de bon.
Del 2002 i Scizar à scomenzà a se vede e, una ota ciatada ra vecia bandiera a Bruneck, Iji ‘l é vegnù con nos alolo. Alcuante el conoscea beleche; chi outre à alolo vedù inze che con el ‘l ea senpre algo da imparà. Par Iji tegnì a ra usanzes, ai sarvije a r anpezana e se da da fei, ‘l é senpre stà el so. (MDM)

De plu tla edizion stampeda de La Usc di Ladins o sun l e-paper a paiament www.lausc.it/e-paper