La Usc di Ladins

Da dalonz fin chilò, la storia de na passion per la Lastia longia duta na vita
Chi che rua sun zima a la Lastia, anter Col e Anpezo, i ciata na statua de bronzo puoz de metri davant de ruà nte rifugio. L é n opera astrata che varda via la Marmolada, mituda ilò n ocajion de la otzentesima ota che Riccardo Dalla Favera l eva ruà sa la Lastia, e chilò voi ve contà de come che la é ruada lassù.

La vita de Riccardo 
Dalla Favera
Dalla Favera l eva nassù del 1912 a Alano de Piave, jalpé de la Provinzia de Belum. L s’ava laureà davant n agraria e po n vetrinaria e nte la seconda metà dei agn ‘30 l eva ruà a laurà nte la tenuta de Maccarese, anter Roma e Fiumicino, na sozietà mituda n pe per bonificà n taren de 4.500 ettari e la fà deventà n azienda agricola e de arlevament de bistiam (ncuoi l é una de le pi grande de duta l’Italia): po co Mussolini l ava dichiarà guera del ‘40 l eva stà ciamà sota le armi coche ufizial volontario dei Bersaglieri motociclisti e mandà ntel Nordafrica. Ciapà dai inglesi de febraro del 1941, l eva stat internà davant n Egito e po nten cemp de prijonia n India a Yol, sota l’Himalaya, e ilò l eva restà fin darè che la guera la eva finida: i l ava lasé tornà a cesa domà de dizembre del 1946, n an e mez darè.

Deplu te la edizion dl vender, 22 de setember.