La Usc di Ladins

Se finis via l’istà, i pais se desvoita e torna la pas. O almanco calche mes de pas, parceche l safasson passà per i nuos pais via per l’istà l s’à mefo fermà fin co pearà via la stagion dai schi. Nte gnanca doi stemane se passa da avè jent sun (debota) ogni mont, ogni jof, ogni triol, a no avè pi degugn nte noste piaze. E co le cese che se desvoita e dut l é chiet se se desmentia incia del problema del massa turismo che s’à patì per duta l’istà, che ogni an l ven pejo: pi jent, pi n lonch, daperdut, e chi che chilò i stà i à come unico destin chel de laurà per chi che ven da fora, le mont no i pol se le gode incia lori da la bona sajon. Mi ai n tabie sun Giao, n or de strada, ma per dut’istà no son paron de jì su parceche somea de ester n prima fila al Gran Premio de Monza. Anter moto e machine l é robe da restà insordii, da dadoman fin dadasera. No sonbe paron incia mi de me gode mio tabié canche l é la bela stagion o i deric vali domà a chi che ven da fora? Parcé per podè jì sa mont abe da pèe via da scur no per me ciapà le ore pi fresche, ma per ciatà n bus ulà lassé la machina?

Deplu te la edizion dl vender, 22 de setember.