La Usc di Ladins

Le elezion per l nuof consei de comun le sarà empermò st’aisciuda che ven ma nta Fodom, forsci mei suzedù tánt davántfora, se tira bele l flé da campagna eletorala. Nte sti dis defati sui canai social l é sté bele prejenté l logo de na lista che se prejentarà per rué a viśé l Comun. La lista la se clama »Fodom del davignì« e l’a come candidat a Capocomun l joven Oscar Nagler. Trëntaun agn, em­pegné trop ntel social come organist de gliejia, ciántarin col coro de I Kropya, vizeprescident de l’Union Ladins da Fodom, Oscar l a dezedù de se mëte n juoch ence nte la politiga e nte l’aministrazion publica. Com’ela nasciuda chësta idea, damanon. »Da le ciacole e le brontolade da bar, che se sent e che duc a la fin fesc, mi e n’autra persona on pensé che l eva ora grana de passé ai fac. Coscita de dizembre de l ann passé via on scomencé a laoré per mëte auna velch da tazon.

Deplu te la edizion dl vender, 22 de setember.