La Usc di Ladins

Nte suoi viadesc, ncandenò, l s’à ndentenù de avei n ogle particolar per chël che l vedëva e de savei da douré polito la machina fotografica. Spo, l à scomencé a tò su retrac con tres plu atenzion e competenza, dagnëra con atrezatura »analogica«, mei digital. Ntei agn, de fotografie l n’ava mucé rodoi e rodoi, finache zachei l l à sburlé a le mëte fora per la jent. De lugio, na trentina de chëste i é ruade sa Ciastel, co na bela nnaugurazion garatada (l é rué adalerch finamei Deborah Compagnoni!) dal titol chero curious: »TREPINDANGA«. N riferiment, chëst, ai luoc ulache ncandenò l teriol deventa plu ërt e toca mëte ju ence le mán per no se smudié; conzet che deventa ence na metafora per i momenc plu stentousc de la vita, che a duc ne toca de passé fora, n viade o l’auter. De na roba son segure: la mostra l’é restada massa puoch nte le ciaune del ciastel! Speron, nlouta, che podeibe ve la giaude nte chelche auter luoch, damprò o foravia.

De plu tla edizion stampeda de La Usc di Ladins o sun l e-paper a paiament www.lausc.it/e-paper