La Usc di Ladins

Luciana, rua nte chesta stemane la nuova edizion de tuo liber »I Ladini fra tedeschi e italiani«, da ulà ela vegnuda l’idea de na revijion e den aprofondiment su chest tuo grant e particolar laor?
Luciana Palla Chesta nuova publi­cazion, ulache l titol l é restà l medemo e l’é stada jontada la storia dei ultimi cuarant’agn, la é nassuda da le tante ote che la jent da chilò e da foravia l’à domandà de nosta storia. S’à capì che i eva tanc davero curios de cugnesse, savè valch de pi de na storia che i ava demà sentù a dì dai giornai e cussì nte chis ultimi agn m’ai metù al laor per inressì fora dut ce che ciatave su chis ultimi cuarant’agn de storia ladina.

Com’ela stada, dal pont de veduda personal, tornà a ciapà nte man e laurà su na opera così importante per la storia de noste vai?
Se per la prima edizion del liber ave descorest per la maor part de agn che mi no ave vivest e donca ave bù da scrive dut duorando tante fonti, sto viaz ai scrit de agn de storia che ai vivest in prima persona e chest l é stà sigur importante parceche ave bele nte la testa ce che l eva suzedù. Po zerto, coche nte dute le inresside storiche bogna mpò jì da pi bande a zarcé le informaziogn e no se incontentà de se fermà su le prime robe che se ciata. (Intervista: Giulia Tasser)