La Usc di Ladins

Davò la Festa del Signour la comunité fodoma la s’a ndavò biné auna celebré l’auter gran moment de fede e tradi­zion che l’é la Festa del Cuor de Geju. Coche ven fat oramei da n per de agn, domënia la S. Mëssa l’é stada dita demè a Reba, ciantada dal Coro de Gliejia S.Iaco. I fedei i a ciapé na gliejia fata sua festa coi gonfalons d’Andrac, S. Jan, le statue de S.Piere, la Madona, del Sacro Cuor, la nuova bandiera dei studa­fuoch, che i é stade pò portade n procesción co l’acompagnament de la Bánda da Fodom. Nte la perdica scior pleván don Andrea Constantini l a recordé l’emportánza de tignì su chëste tradizion che ven da la storia e identificheia e renforza nosta cul­tura e nosta identité. »Identité – l a dit – che nos metón ntel Sacro Cuor de Gejù«. (LS)

De plu tla edizion stampeda de La Usc di Ladins o sun l e-paper a paiament www.lausc.it/e-paper