Damprovia iel sun la trëi tabeles da udëi l svilup di tampons positifs ntan i ades doi mënsc passei, pona tanc che ie morc y tanc che ie stac te terapia ntensiva ti spediei de Südtirol. L tëmp che l dutor Piccoliori à scrit su plu avisa ie dai 25 de merz inant. Cieche toma riesc tl uedl – per fertuna – ie che da duta trëi la tabeles vëniel ora coche i dac va de reviers.
La terapia ntensiva te Südtirol
La tabela che ne mostra nia mé su l trend positif, ma nce cumpëides assolutes, ie chëla de tan de jënt che l fova te terapia ntensiva. Sce l n fova, dala fin de merz nchin tla prima ena de auril, ntëur a 50 tla terapia ntensiva, va la cumpëida do la rata aslune juvier de viers de na cumpëida de 20 recuverei nchin a mez auril, y pona for plu y plu injù, ruvan a mé puec pazienc che ie al mumënt te terapia ntensiva. Tlo ne n’iel deguna variables che pudëssa sfauzé i dac. Chëi che ie tlo lessù curespuend ala realtà, un a un. Sambën che l ie bel a udëi che prësciapuech ie la raida medema sciche pra l’autra tabeles, da n livel do la rata aut tl prim, de merz, ju a n livel bas, nce de nul, de mei.
L articul ntier y duta la tabeles tla edizion stampeda di 29 de mei.
David Lardschneider
FOTO: I pazienc te terapia ntensiva, tl tëmp do i 25 de merz, te Südtirol.
