La Usc di Ladins

Propi bel iel stat, pra la giaurida dla mostra de Leonora Prugger y Jona Salcher te Tublà da Nives te Sëlva, dan doi enes: doi jëuni che mët ora, y danter la bela cumpëida de jënt unida adalerch per la giaurida fòvel propi nce scialdi truepa jëunes y truep jëuni

Cun la tematica "oradecà" uel i doi artisć mustré l nflus che chësc cunzet porta te si lëures: l bujën de descuvrì luesc y lueges nueves, la crissa dl descunesciù, mprescions dl fulestier y sonn y sëures de cultures che ie dalonc. La mostra sarà davierta nchin a n merdi ai 14 de lugio, uni di dala 16.00 nchin la 19.00: De lunesc ie l Tublà stlut.

Pra la giaurida dla mostra: l ie povester stat una de ch’la mprescions, che à fat, cuncretamënter, unì su, mo deplù, speranza y bele segurëza che l ie l mumënt de passé l testemone, che l ie i jëuni che possa y dëssa tò tla man l’ert y la cultura, nce a livel istituziunel. L plu bel iel a udëi pra i jëuni la ueia y l savëi per l’ert y la cultura, a desmustrazion che l resta inant, che l ie povester mo deplù, n’ana sota per l’ert y na gran sensibltà culturela y soziela.


Deplù iel da liejer te La Usc  dl 10.07.2020


David Lardschneider


Fotografia: Jona Salcher y Leonora Prugger ntan la giaurida dla mostra che i à fat deberieda, dal titul "oradecà". A man drëta l presidënt dl Tublà da Nives Leo Senoner.