La Usc di Ladins

Per l Museum Gherdëina ie l autonn n tëmp de ancuntedes, sibe nternes che nce a livel de raion, l vën nuzà chësc tëmp scialdi per la furmazion. »Tres la Provinzia àn pudù fé pea cursc metui a jì dal Stat, che à da n fé cun duc i ciamps dl museum, dala gestion ala culezions, la nrescida, la documentazion, mediazion y nce l sponsoring. L Stat cëla de mëter mpe na rë che lieia adum i museums, cun n fin de sustëni y furmazion, pensà propi per i museums dedora dala ziteies, ti pitli luesc. Tres la Euregio se àl pona giaurì na cun­ laurazion, ulache nce l Museum Gherdëina ie leprò, per se dé ju cun cater tematiches de basa y lauré ora linies guida per l urientamënt di museums tl daunì, tenian cont de elemënc dla Cherta Unesco coche natura, nrescida, educazion, ntlujion, partezipazion. Nteressant iel che chësc ie ulù dala politica dla Euregio, na politica che cialerà de tré adum la cunlaurazion danter trëi raions y ti dé na majera mpurtanza ai museums tla sozietà«, stlarësc la diretëura Paulina Moroder. Ma chël che ie unit a mancë ultimamënter ie l cuntat ndrët cun la jënt, cun l publich. Coche duc se àn nsci nuzà dla plata web per comuniché, per prejenté vel’ nuvità, vel’ proiet o scumenciadiva.

UK

L articul ntier tla edizion atuela de La Usc di Ladins.