La Usc di Ladins

De ndut 150 mutons y mutans à fat pea pra la azion de liejer da d'instà, che ie unida metuda a jì dala biblioteca San Durich de Urtijëi. Coche tematica àn chëst ann cris ora chëla dl univiers: planëc, rachëtes y marzians fòvel da udëi sun n gran placat da culëures, ulache i mutons y la mutans pudova cialé tan de libri che ëi y i autri che à fat pea ova bele liet.

Gran pert di mutons y dla mutans che à fat pea ie nce unic ala festa cun chëla che la biblioteca à stlut ju la azion de liejer da d'instà. N se à ancuntà n juebia ai 31 de agost dala cater domesdì sun Plaza de San Durich, dan la biblioteca de Urtijëi.

L articul ie da liejer tla edizion che vën de La Usc di Ladins


Elisabeth Kostner