La Usc di Ladins

N sada ai 23 de setëmber iel unì metù a jì na sëira de nfurmazion dl Club de nudé de Gherdëina tl local di Jëuni “Saut” a Urtijëi.  La presidënta Ines Demetz à saludà i truep genitores che ie unic adalerch, i cumëmbri dl cunsëi y i alenadëures: "L ie bel a udëi che l nteres per l'ativiteies dla lia dl nudé ie grant."

Davia che duc i cumëmbri dl cunsëi da dant ie zapei ora pra l'ultima senteda generela, se à l cunsëi nuef prejentà, spiegan nce cie che uni un fej: Ines Demetz ie presidënta, Guido Volino ie vizepresidënt, Nancy Kasslatter se cruzia de tenì i conc, di cuntribuc y di paiamënc, Michela Prinoth à la ncëria per la vijites dal dutor, Marlis Goller sëurantol la publicazions, y Costin Viorel ie la persona che n possa cuntaté per cie che reverda l'assicurazion. Do la prejentazion dl cunsëi à i alenadëures Darko Derkuca y Matea Milovan rujenà dl prugram y dla garejedes.

L articul ie da liejer tla edizion che vën de La Usc di Ladins

Elisabeth Kostner