Tla scola auta Raetia iel trëi sezions, la sezion de marketing, chëla turistica y chëla dedicheda al sport. Chësta terza sezion ie plucheauter per chi che fej sporc da d'inviern, dal schi al biatlon, dal snowboard al pudejé y n.i.. Ma l mond dl sport ie grant, Gherdëina ne n'à nia »mé« l Schi Club, ma nce truepa d'autra lies che à n problem, chël che i jëuni y la jëunes ti mucia do la mesana, plucheauter ajache i:les va a scola oradecà y ne à pona nia plu l mesun de fé inant chël sport che ti sà bel. Nscila àn pensà de scumencé cun chësc proiet nuef, ulache l va mé de bujën de almanco sies sculeies:és per la prima tlas y sies per la segonda tlas dla scola auta, che ulëssa fé la sezion turistica o de marketing, la sezion A o B. Nstadì à l FC Gherdëina nvià a n domesdì de prejentazion, tl ITE de Urtijëi. Deberieda cun l vizediretëur Ivan Kostner y l nseniant y trainer Simon Stuffer à l cunselier dl FCG Günther Linder y l respu nsabl per i jëuni Gabriel Perathoner prejentà chësta scumenciadiva.
L articul tla edizion nueva de ncuei juebia ai 7 de dezëmber.
SPM
L ITE Raetia se gëura a de plu lies sportives
L ITE Raetia ie tl lëur de mëter a jì n proiet nuef che à l fin de lauré cun de plu lies sportives dla valeda. »Ulon ti de la puscibltà a jëunes y jëuni che ie scric ite ai clubs de juech al palé, tennis, nudé, hockey y autri, de resté do la mesana te Gherdëina, de jì a na scola auta y tl medemo tëmp nce fé inant si sport«, spiega l diretëur Bernhard Flatscher
Galaria retrac
View the embedded image gallery online at:
https://www.lausc.it/valedes-ladines/gherdeina/25863-l-ite-raetia-se-geura-a-de-plu-lies-sportives#sigProIdee3fb52921
https://www.lausc.it/valedes-ladines/gherdeina/25863-l-ite-raetia-se-geura-a-de-plu-lies-sportives#sigProIdee3fb52921
