La Usc di Ladins

Ester candidat da ombolt su te n comun n’é nia dagnora na bela esperiënza, mo al é la realté che an á odü ince te trëi comuns dla Val Badia. Un de chisc é chël de Badia olache al s’á metü a desposiziun l’avocat Christian Pedevilla, sön la lista "Badia - La Ila - San Ciascian". Ël é sté bun da abiné 959 usc, che é le 52,1% dles usc. Na gran pert di litadus n’á indere nia tut sö bun la pücia alternativa: chësc spliga deache an á albü bëgn 883 zetoles nia varëntes, le 47,9% (dan 5 agn ma le 11,8%), y de chëstes n’él gnü dé jö 545 de blances.
Por ci che reverda le Consëi, él da alzé fora che al é rové ite 6 ëres, tan co n terzo di scagns a desposiziun. La proieziun dij insciö:

La lista "Badia - La Ila - San Ciascian" á arjunt le 68,2% dles usc y insciö 12 scagns
Christian Pedevilla - 959 usc da ombolt y 3 por le consëi
Jessica Flöss Dapoz - 419 usc
Elmar Irsara - 373 usc
Lukas Castlunger - 299 usc
Bernadette Crazzolara Castlunger - 273 usc
Raimund Irsara - 271 usc
Walter Valentin - 224 usc
Egon Ploner - 218 usc
Andi Frenademez - 192 usc
Sabine Tavella Pescollderungg - 180 usc
Elvis Burchia - 152 usc
Sara Pescollderungg - 152 usc

La lista "Deburiada" á arjunt le 31,8% dles usc y insciö 6 scagns
Werner Pescosta - 317 usc
Lucia Piccolruaz - 227 usc
Elide Mussner - 144 usc
Samuel Anvidalfarei - 119 usc
Daniele Irsara - 119 usc
Emerich Pedratscher - 114 usc

 (pablo)