La Usc di Ladins

Tl scumënciament de mei fòvela inò tan inant. I clubs de schi de duta la provinzia à mandà ite ala Fisi si prupostes per l alenadëur dl ann. L Schi Club Gherdëina se à bel riesc muet mandan ite la biografia y la lista di resultac arjonc chësc ultim inviern da pert de Roby Bernardi. Na cumiscion de esperc à pona cris ora cin’ alenadëures che do si mi­nonga se meritëssa de vëncer l titul »alenadëur dl ann« y Roby fova danter chisc cinch. 24 ëura alalongia à la jënt lità sun Instagram y ti à dat l »like« a un di cinch alenadëures. N ucajion dl »Wintersportfest«, che ie stat n vënerdi, ai 30 de mei, a Maran, iel pona unì fat na bela gran pre­miazion. L ie unic premiei trueps atlec per i scialdi bon resultac arjonc; danter chisc ënghe de plu atlec de Gherdëina y atlec che fej la scola auta ITE, sezion sport a Urtijëi: Alex Vinatzer, Arianna Putzer, Matthias Mahlknecht, Ivan Kersch­baumer, Jonas Gasslitter, Max von Aufschneiter, Alex Silbernagl y Nadine Trocker.

Dut l articul tla edizion atuela de La Usc di Ladins.