Gran marueia à fat chësc ultim fin dl'ena na fotografia de n ciancel sun Secëda, ulache l univa fat paië a chëi che passova per jì a pe de viers dla Sciorta de Pana. L se trata povester dl "hotspot" plu cunesciù de Gherdëina, na luegia ulache l passa uni di milesc y milesc de seniëures per jì a ti cialé o ti fé na fotografia ala Fermedes.
La Usc à damandà do a chëi che à metù su l ciancel sce l ie propi vëira che da śën inant muessen paië. "L ie stat n test de mez n di, n sada ai 5 de lugio, per udëi mpue la reazion. Chisc dis ie l ciancel daviert y n ne paia nia plu. L ie massa jënt che passa cassù. L ne n'ie nia drët che nëus privac che on i grunc messon lascé passé duta chësta jënt, che ciautina i prei, che se fërma dan nosta uties y lascia ncantëur maroca", à spiegà Georg Rabanser, che à n pra da mont sun Secëda. Cun trëi d'autri patrons di grunc àl metù su na firma che à śën fat su chësc ciancel y la sief.
"Son bele giut che se damandon che l vënie fat velch, on abù sentedes y rujenà cun la Lies dl Turism, cun i Chemuns y duc ie a una che l ie debujën de fé velch - nce la Provinzia y chëi di Parcs Naturei - ma l ne vën po mei fat nia, l ne suzed nia", nes à spiegà Georg Rabanser.
EK
L articul ntier tla edizion nueva de La Usc di Ladins de n vënderdi ai 11 de lugio.
N ie stufs
N sada passeda àn udù n ciancel sun Secëda, ulache l fova da paië sce n ulova jì de viers dla Sciorta de Pana, na luegia ulache l passa via uni di milesc de persones per ti cialé ala Fermedes
Galaria retrac
View the embedded image gallery online at:
https://www.lausc.it/valedes-ladines/gherdeina/29881-n-ie-stufs#sigProId8b8c1143e4
https://www.lausc.it/valedes-ladines/gherdeina/29881-n-ie-stufs#sigProId8b8c1143e4