La Usc di Ladins

Na gran cumpëida de jënt dl luech, ma nce truep patins, se à n sada ai 19 de lugio y n dumënia ai 20 de lugio abinà tl raion Iman a Santa Cristina per festejé la segra dl luech. Nvià ala festa tradiziunela dla segra à chëst ann i cores de Santa Cristina, danter chisc l Cor de Dlieja y l’Urchestra, l Cor Sasslong y l Cor di Jëuni Santa Cristina. “L’urganisazion vën fata a rotazion danter la lies dl luech y chëst ann ti tucòvela a nëus cores. On metù su na grupa de lëur cun n valgun cunselieres de uni cor, che à pona cialà de partì su la ncëries y duvieres per l’urganisazion dla festa. L Cor di Jëuni à sëurantëut l’urganisazion dl stont dala snops, l Cor de Dlieja se à cruzià a puntin dla cësadafuech y di ulenteres che à judà ntëurite y l Cor Sasslong dla pert aministrativa”, nscila l presidënt dl Cor Sasslong Matthias Runggaldier.

Sara Senoner

Deplù de chësta festa a Santa Cristina pudëis liejer te La Usc che vën ora chuesc vënderdi, ai 25 de lugio.