La Usc di Ladins

L tof da zirm, l sonn de scarpiei tl lën, sies a motor, steles sun fonz, massaria dloncora, vel’ cunversazion y mpo mpue de jënt: per l setim iede àn fat, deberieda cun Peter Demetz, Hermann Josef Runggaldier, Aron Demetz y Hubert Kostner, la Cade­mia da d’Instà, la Summer Academy, ora Puntives. Doi enes alalongia se à abinà vint sculeies de undesc naziu­naliteies desfrëntes per se dediché defin ala scultura.  Te Gherdëina la cune­scions, ma la Cademia cunëscen al didancuei nce nchin tl Mexiko, su tla Olanda, via tla Franzia y tla Filipines. Povester ne n’iel nianca no tan velch che n ne possa nia crëier. Gherdëina ie cunesciuda ora per l mond per l’ert y si artejanat. Y chësc savëi artistich y leprò sambën nce l fortl, à chisc 20 sculeies abù l mesun de cunëscer.

Dut l di iel unì laurà daduman nchin da sëira y i nsenianc ie for stac a dispusizion. Da sëira iesen suvënz mo jit a ti cialé a na mostra o a na galaria. Da marënda àn ënghe maià deberieda. »Nëus vivon belau tlo«, me à dit Peter Demetz ntan che l à ris.

Deplù pudëis liejer tla edizion atuela de La Usc.

Julia Lardschneider