N sada ai 6 de setëmber y n dumënia ai 7 de setëmber fova Sëlva duta tl sëni dla mujiga.
La Mujiga dl luech festejea chëst ann si 100 ani y n à ulù festejé chësta ucajion sciche l toca. De plu Mujighes y grupe de mujiga ie unides adalerch y à abelì cun meludies d'uni sort la festa sun plaza de Chemun de Sëlva. N à fat na Santa Mëssa n unëur de chësc iubileum, na defileda y monce dat ora n liber per se lecurdé dla storia dla lia.
Nsciuma, danter pertes ufizieles y de teles de blëita, àn festejà drët bel la Mujiga de Sëlva y si cënt ani.
Dut l bon a chësta lia y dut l articul cun fotografies pudëis liejer chëst'ena tla edizion nueva de La Usc di Ladins, che vën ora n vënderdi ai 12 de setëmber.
Julia Lardschneider
