La Usc di Ladins

Dai 11 ai 14 de setëmber iel stat l apuntamënt tradiziunel cun l’ert tl Zënter dal Tennis a Runcadic, per l 31ejim iede: i artisć y l’artistes dl’Unika à chëst ann inò, coche uni ann, desmustrà che savëi da lauré cun la mans ie velch de unich, spe­ taculer, putënt. Te n mond te chël che la nteligënza artifiziela tol ite for plu y plu ciamps dla vita, des­ mostra Unika che ala criatività dla persona ne ti ruva n computer mo nia permez. »L’ert sarà mo giut chëla che vën crieda cun la mans.

Nëus de Unika ulon mustré che cun nosta idées y pona cun nosta mans sons boni de fé na scultura che se lascia udëi, zënza se lascé judé da n computer. I jëuni y la jëunes possa mo avëi n bon daunì cun nosc mestier, la scultura à n auter valor sce la vën fata nstës, zënza aiut artifiziel«, chëstes la pa­roles de Matthias Kostner, presidënt dl’Unika, pra la giaurida dla mostra dan otodì. Chëst ann à 34 artisć y artistes, moleri y moleres, ndura­ dëures, zipleres, fotografs y fotografes y turnadëures metù ora ndut plu che 200 opres dan ai truep vijita­ dëures che ne se stufa da ann a ann mei de jì a ti cialé a chësta mostra, che ascuned for inò nuviteies.

Nathalie Stuffer

L articul va inant tla edizion nueva de La Usc di Ladins de duman vënderdi ai 19 de setëmber.