La Usc di Ladins

Dan n valgun dis à chëles y chëi nasciui dl 1955 festejà i 70 ani cun na jita sun Resciesa. Bele daduman dan la nuef se ons ancuntà dan la stazion a val dla ferata de Resciesa. N valguni che sta nce ora dla val ie unic a festejé cun nëus chësta bela età.

L ie passà bën diesc ani dal’ultima ancunteda dl 2015, chëla dl 2020 fova tumeda ora per via dl covid. Perchël ova duc mpue da s’la cunté y da s’la ciaculé. Biei ligherzins sons pona furnei su cun la ferata ulache se aspitova n bon gustè. Davia che l tëmp ne fova nia l miëur ons fat la foto de grupa de duc chëi dl ann 1955 de Gherdëina riesc dan che l pluësse. Vester ova un de nëus arjinià ca la tofla cun la scrita 50. L fotograf ne se l’à nia lasceda valei y la ie pona unida descurida cun 70.

Un de chëi dl 1955

L articul tla edizion atuela de La Usc di Ladins.