La Usc di Ladins

"Tl cheder de na cunlaurazion nteristituziunela iel unì laurà ora ideies per manejé te na maniera plu sustenibla la gran cumpëida de vijitadëures che uel furné sun Secëda, cumpëida che ie da ann a ann for unida majera y majera. Na grupa de lëur metuda su aposta cun reprejentanc di Chemuns de Urtijëi y de Santa Cristina, dla furnadoia de Secëda, dla Lies dl Turism y dla IDM de Südtirol y cun a cë l Zënter de Mubiltà de Gherdëina, se à tëut su chësta ndesfideda nia saurida.

Dut ie muet do la critiches per la gran tlapeda de jënt che se ova abinà ai 22 de lugio dl 2025 pra la furnadoia de Secëda, davia che l fova l prim di de bel tëmp do n valgun dis de plueia. N chësc di iel unit a s'l dé de gran problems de trafich y de gran codes pra i mplanc portamont. N à rujenà dassënn de chësc ti social media.

Bele do la prima senteda dla grupa de lëur iel unì metù n droa vel’ regula te curt tëmp. Nscila iel unì publicà sun la plata internet dla furnadoia de Secëda n referimënt tler che n cunsieia de cumpré danora online la chertes per furné sun Secëda y che n dëssa se nuzé di mesuns publics per furné adalerch, davia che l ie la stënta de plazes da lascé i auti a Urtijëi."

USC

L articul va inant tla edizion nueva de La Usc di Ladins de duman vënderdi ai 8 de mei.