La Usc di Ladins

Uni uem dajova y dà ca si tëmp liede per fé velch de bon, velch de utl per duta la cumenanza. Dantaldut ti ultims 50 ani se à chësc lëur de ulentariat mudà dassënn. Coche dij si inuem, destudovi zacan plucheauter mé fuesc. Al didancuei se tràtel plu de na grupa de ulenteres che pieta servijes d’uni sort. 

I vën cherdei can­che n auto fir ora de streda, can­che n lift se fërma, canche l ie uele o penzin tl’ega de ruf, canche l ie da jì a crì na persona, canche l vën ju na smueia y canche l ie vel’ autra desgrazia; ëi ie njeniei. Dut chësc sun na basa de ulentariat, chël ie l bel, y chël fej nce crëscer adum la grupa che à al mumënt 66 cu­mëmbri. I destudafuech ne n’à degun problems de abiné ca jëuni, l ie na lia che plej, pra chëla che n ie gën leprò. 

SPM

L articul va inant tla edizion nueva de La Usc di Ladins de duman vënderdi ai 22 de mei.