La Usc di Ladins

Ntan l instà dl 2023 iel tl raion dla Zità di Sasc sun Jëuf de Sela unì fat lëures pra l purtoi dai schi de cun­liamënt danter Ciampinëi y Jëuf de Sela. D’autonn dl 2022 à la sozietà giapà l’autorisazion de slargiamënt. 

Do che l’autoriteies ova cuntrulà la pruzedura, òven udù che l fova unì fat deplù de chël che n ova lascià pro. Aldò dla sozietà respunsabla, la »Piz de Sella SpA«, ie chësc slar­giamënt unì fat acioche i giac dala nëif moderns posse passé, per miuré nscila nce la segurëza di schiadëures.

I lëures, nscila iel unì spiegà, »ëssa purtà pro a muvimënc de tiera y mudamënc dl grunt naturel, i ie unii fac te n raion alpin scunà y chël zënza autorisazion paesajistica«.

Deplù n con' de chësc tl'edizion nueva de La Usc che vën ora n vënderdi ai 19 de juni.

Julia Lardschneider