La Usc di Ladins

Al é sté la proposta de Maria Luisa Rubatscher chëra che á plajü le plü dan ala iuria dl concurs por la crusc nöia de Pütia, metü a jí dala Lia de Munt de San Martin de Tor. Le concurs ê davert a düc chi che â la residënza tla Val Badia, zënza esclujiun aladô dl’eté o dl ciamp de ativité.
Rové adalerch él insciö 46 propostes da partezipanc de vigni sort: da mituns dla scolina a artisć conesciüs y esperc tl ciamp dla ideaziun de monumënc cina a amanc dla munt. Chisc á dé jö proiec y partí sües idees.
La crusc studiada fora da Maria Luisa porta adöm i dui materiai, le lignan y le metal, cun n stil essenzial. Por l’ocajiun él gnü metü fora dötes les propostes te na mostra che sará da odëi tl Museum Ladin Ciastel de Tor cina ai 30 de jügn.


Deplü da lí ciafëise tla ediziun de chësc vëndres ai 19 se jügn!