La Usc di Ladins

Referac n con' dla realtà ladina nen vëniel fat trueps, y for deplù, te dut l mond. Nstadì éi rujenà cun David Lardschneider, nseniant y jurnalist publizist de Sëlva, y s'l'on ciaculeda de n referat che ël à pudù fé dan n doi enes a Cologno Monzese, a puec chilometri da Milan, tl forum culturel de Rafael Prugger – chersciù su a Urtijëi y che sta da truep ani incà tl milanesc – y si fëna Akane Suzuki – iaponeja.
É cuntatà nce Prugger, che me à cuntà de chësc forum, che à ntëur n cënt danter cumëmbri y cumëmbres cun l gran nteres per la cunescënza, per l bunder per cuestions d'uni sort: “L ie na lerch ulache rujenon dl dut: de scienza, storia, njeniera, de tecnologia, ert, mujiga, leteratura... dl dut. L ie da stramp nteressant a udëi la cumplessità do uniun de chisc ciamps”, nscila Rafael Prugger, che mët a jì chisc referac deberieda cun si fëna zirca n iede al mëns.

Dut l articul abinëis tla edizion atuela de La Usc.

Bruno Maruca